قــــــــصـــــــــــيــ ـــــــــده تستحق الوقوف

[ياجدي]

مســــــــــــــــاء الخير
اليوم ابشارك معكم في قصيده منقوله للشاعر سالم سيار
وهي قصيده تستحق الأستماع بكل الأحاسيس
لن اطيل عليكم
القصيده في ملف مسموع
في هذا الرابط

فقط للاعضاء المسجلين يمكنهم رؤية الروابط

ولمن يعشقون القراءه فل يتفضلوا هنا
كل ماطار الفراش أعرف إن أمي طفت
يمه ويني ؟؟
نامت سنيني علي .. تلتحف من برد عمري
مامعاي إلا عيونك .. تقطر الدمعة في بالي
تطفي البرد ويجيني زولك بداخل عيوني
أحضن عيوني وأنام
تهزهزي البرواز أدري
صح يمه ؟؟
مثل ماكنت أتهزهز بأغنياتك
يمه نامي إمشطة الصورة عيونك
تشعلي دمك تدفي الغرفه من بحات صوتي
مجدلة شيبك تقولي آآآه يانذرٍ نذرته
تفتحين كروت عرس .. وترسمين بشوت عرسي
ألبس الأسود في بالك
ألبس البني في بالك
ألبس الأبيض .. ترفضين
الكفن يطري في بالك
صح يمه ..؟؟
يمه أدري .. أدري همك هو وجودي
هو زواجي
تشوفي عيالي .. وتموتي
تغربيني لا لمحتي شروق ربعي
تلملميني من زوايا البيت حتى
تتجه للقبلة روحك
تلتقي وياها روحي
بكل صلاه
واعرف انك بآخر أيام الضوى
وغافي فيك الفراش
كل ماطار الفراش .. اعرف إن أمي طفت
ضايقه من التنك* يمه
إيه أنا ادري ضايقه من التنك يمه
ضايقه من التنك يمه
إيه أنا ادري ضايقه من التنك يمه
كحتك كنها بصدري
آه لو إني عنك شلته في ضلوعي
وجيت أسير
صدق تعالي
موعدك عند الطبيب
اذكر إني مسجله في شهر تسعه
رحتي يمه ولا طاف ؟؟
لايطوووف
أدري ماعندك يايمه
غيري أحد يأخذ الكرت ويجدد كل مواعيد الطبيب
يمه نامي .. نامي يمه
الأسر.. الأسر هو نام فيني
والله مايقوى يزعزع شخص راضع من حليبك
أو يهز يايمه شعره
شعره من ونات شيبك
قولي أقدار وخذتنا ورحنا أسرى
ويعني أسرى
ماهو لازم مثل هذا اليوم نعرف
من عدوك من صديقك
يعني جوع ماأجوع
وأنتي أصلا تذكرين
عزة النفس ويميني
ما أوصلت أكل ٍ ولو هي
نفسي تدفعني عليه
يعني حرية يايمه
أجمل الحريات والله
إني أقيد كل عمري
ولايتضايق صدر شارع
من رئة خطوات فاجر
تاطأ مسلم مانطق إلا الشهادة
بإصبعه ووقف فجر
لاغسلك الدمع يمه قولي فدوه
فدوه لعيون الشواطي لأغسلها المد قامت
توقظ الناس بفرحها
بعد ماكانت حزينة
ادري همك هو وجودي هو زواجي
تشوفي عيالي وتموتي
مثل همي إني أشوفك قبل لا يطير الفراش
خلي همي إني طالب يد بلادي
ومهرها أبقى أسير
حتى لو طار الفراش
حتى لو طار الفراش
حتى لو طار الفراش
....
أنت وينك ؟؟ أنت وينك
من زمان كنت أدور في وجيه الناس عنك وجه وجه وجه وجه
ولالقيتك
في زوايا البيت أدوّر
في الشوارع .. في الصباح اللي تشرب غترتك
بالمكان اللي فرشته بالجريدة
لما تقراها وتشرب .. كل صباحي قهوتك
وآخذ الفنجان حتى تقرى حظك لي عجوز
ترفع البسمة تقول فيها لك.. فيها لك شي يتحقق
وفيها له شي ثمين
ليه .. ليه ماقلتي فيها لي شي بيتهدم
وفيها له شي حزين
أدري كنتي تكفرين
أنت وينك .. تسأل الأشجار عنك
لما ترمي فوق ظلها .. كل ظلك
لما تسقيها بدمك .. هي .. تبلك
تنحني لك
تدري إنك لو تغيب ينكسر طير
وتموت
اسأل الأيام عني .. والا تدري؟
اسأل نعاسٍ تكسر من صباحك في وريدي ..
اسأل شفاهٍ هجرها
من بعادك ماي بارد
ليه تتركني أتوسل
واتسول في عيون الناس
أنا اطلب منهم حفنة حنان
ليه تتركني أتوسل
واتسول في عيون الناس
أنا اطلب منهم حفنة حنان
أنت وينك؟ .. ماتركت إلا بعباتي
عطر جسمك من صلاتك
وشعرتين بكف مشطك
صافحني وسط بالي وأتذكر ..
يالله يمه .. اخطبيلي
وإلا يعني ماني رجال بعيونك
شفتي شعرك إلا أفله في زواجي
..
أنت وينك هذي دارك ماتغير شي فيها
هذا بوكك هذا عطرك هذا مشطك
إلا ساعة يوم طاحت من يديني أتكسرت
لاتخااااااااف جبت ساعة تشبه اللي تكسرت
أنت وينك ماتركت إلا عيونك داخل البرواز
تتبع وجهتي من وين أروح
ماتركت إلا عيونك داخل البرواز تسأل
يمه وينك
..
أنت وينك
انت وينك ؟؟


دمتم في رعاية الله جميعاً

[مضيعه]

رووووووووووووووووعه..
وربي مأثره حيييل ..

يسلموو ياجدي ,,

[ياجدي]

مضيعه

تسلمين


يارب وانشالله ما تتأثرين على غالي يارب

نورتي هالصفحه المتواضعه

[شوقي لها]

تسلم وصح اللسان شاعرها

يمين بالله انك جبتها عالجرح

تقبل مروري ولك خالص الشكر على تواجدك وموضوعك

دمت بكل ود ومحبه

شوقي لها

[شخبوط]

جبتها علي الجرح والله يا الغالي
ياخي ارتاح في سماع واني اتابع مواضعيك
لان فيها الاحساس ينثر نفسه في ارجاء الصفحه
يبدي بي الاحساس من اول حرف ختي الاخير
تسلم والله يديك علي الطرح الجميل منك
يعطيك العافيه

[مجموعة انسان]

واااااااااااااااااااااو من جد رحت فيها انا
وربي ماقدرت اتحمل الكلامات :(
يعطيك العافيه ....

[تذكار]

لمّا تتراكمـ، العذاباتـ، وويلاتـ، الظلمـ، .. تصبحـ، النفـسـ، متشبعهـ، بكومهـ، أحاسيسـ، مقهورهـ، ..

وعندما تحينـ، لها فرصهـ، البوحـ، لا تجـد أصدقـ، منـ، معانيها .. ولا أروعـ، منـ، كلماتها المترجمهـ، للإحساسـ، ..

يعني حرية يايمه
أجمل الحريات والله
إني أقيد كل عمري
ولايتضايق صدر شارع
من رئة خطوات فاجر
تاطأ مسلم مانطق إلا الشهادة
بإصبعه ووقف فجر

§ § § § § § § § §

ليه تتركني أتوسل
واتسول في عيون الناس
أنا اطلب منهم حفنة حنان
أنت وينك؟ .. ماتركت إلا بعباتي
عطر جسمك من صلاتك
وشعرتين بكف مشطك
صافحني وسط بالي وأتذكر ..
يالله يمه .. اخطبيلي
وإلا يعني ماني رجال بعيونك
شفتي شعرك إلا أفله في زواجي

{ .. { يا جـــديـ، } .. }

قصيدهـ، أجملـ، منـ، الجمالـ، .. وأصدقـ، منـ، الصدقـ، ..

محملهـ، بمشاعـر الفـقـد .. وليسـ، أيـ،ّ فـقـد !!!

وقـفـتـ، عندها كـثـيـرا ..

لا أجـد منـ، كلماتـ، الشـكر ما توفـيـ، روعهـ، هذهـ، المشاركهـ، ..

لكـ، وافـر شكريـ، على مشاركتكـ، لنا هذهـ، الرائعهـ، ..

أرجـو أنـ، لا تحرمنا ذائقتكـ، المميزهـ، دوما ..

ودمـتـ، بكلـ، احـتـرامـ،ٍ وتقـديرٍ ..

[ღ شـوق ღ]

: aa :

سالم سيار

شاعر مبدع و طريقة القائه رائعهـ ..

قصيدة حزينه ..معبره جداً ..

سمعت له قصيده ثانيه يرثي فيها والدته ..

الله يرحم موتى المسلمين ..


//


مشكور اخوي على الاختيار الرائع ..

بس بكيتني الله يصلحك )=


: 6a :

: a39 : كــ الود ــل لك : a39 :

[ياجدي]

شوقي لها

الله لايجيب الجرح وانشالله انك في سعاده دوم

وتواجدك هو الأبداع

شرفني حظورك جداً

[ياجدي]

ياشخـــبوووووط

والله اني انا اللى ارتاح اذا شفت ردودك في مواضيعي

شرفــتــني في زيارتك لصفحتي

ولاتحرمنا شوفتك مره ثانيه

[ياجدي]

مجنووون دانه

انشالله انك بخير دايم

دمت بخير

[ياجدي]

تــذكــار

حين يكتب اي انسان معاناته

ويكون صادقاً بذالك

تجد الأبداع الفطري


ابدع شاعر القصيده بقصيدته واحساسه

وابدعـتِ انتِ بتواجدك وثنائكِ

كل الشكر لكِ

[ياجدي]

شــــوق

مثل ماقلتي سالم سيار

طريقة القائه تشدك الى داخل القصيده

والقصيده اللى سمعتيها اسمها دعوة الغفران

وانشالله ابدورها

وانزلها لك ولبقية الأعضاء

وبالنسبه للبكاء

انا اسف ان كنت نزلت دمعتك دون قصد

بس لاتخافين البكا يريح النفس ويغسل العيون ^_*

شرفني حظورك جداً

دمــتي بكــــل ود