تذكار < سنه أولى تدريس

[تذكار]

أبلى تزكار ياعيوني
يللي لابسه الليموني
لابسه الساعه اللماعه
تسوى كل القماعه
والأبلات وراها
والمديره تسواها : a10 :




السسسسسسسسسلامو عليكوم ورحمة الله وبركاته

صباحكمـ مطرسه < ولو إنه خميس بس داومو علشاني : 61 :

كيفكمـ وكيف حالكم واحوالكم والأهل كلهم طيبين ان شاء الله

بناءا على هرجه وسوالف مع احدى الغاليات هنا كنت اسولف لها عن المطرسه وما يحدث فيها من مواقف ومواقف واحداث واحداث

البعض منها uyu88 والبعض : t3 : والغالب فيها : a10 :

فـ نقزت براسي فكرة هالموضوع منها افششش خلئي فيه طول ما أنا بهالمطرسه ومنها اعوض غيابي : t3 :

فـ خصصت هالقسم وهالصفحات كل سنه اجي اكتب شيئ: 93 :

ويبقى ذكرى لي هنا بعد عشر سنوات لن طال عمري وجالي تعيين رسمي اجي اتفرج بالموضوع واقول زمااان ياافن


فـ ياحبذا محد يرد :21:

واللي حاب يعلق يكتب التعليق بالتقييم وماله إلا اللي يرد عليه


برب

[تذكار]

.................. ومرت أول 3 أشهر بحلوها ومرها < هذا ان كا فيها حلو : t3 :

وبعد أن استقرت الأوضاع وهدأت ..

الاسم / أستازه تزكار سنه أولى تدريس

المرحلة / أول متوسط + أول ثانوي + ثاني ثانوي + ثالث ثانوي

المواد / بلا فخر لغه عربيه

عدد الحصص / 23 بعدين 22 واخيرا استقرت على 21 < نعمه مو < بلحيييييل w21

وياقلب خلك قوي : s11 : < فاهم

الشخصية السائده كأستازه / في البدايه رزه وثقل ورسميه مالبثت ان بانت على حقيقتها خخخخخخخخ وبدينا نفلهاااا

الشده في وادي وهي في وادي

العصبيه في وادي وهي في وادي

وهكزاااا تمشي الأموووووووور

امممممممم

لي باكوو اتذكر البدايات ومواقفها كيف كانت واجيكم

ولا احد يطلع من الفصل : a11 : < ما عندها سالفه بس صدقوا طيب عشان يعني هيبة الأستازهـ : 61 :

[تذكار]

™Зthbat al Teesh (فقط للاعضاء المسجلين يمكنهم رؤية الروابط) ههههههههههههه يالبى الاوستازه والله انها أوم الفله + الدجه هع باالتوفيق ومتابعه لك أكيييييييييد يابطله


هههههههههه الله يسلمك غاليتي هكذا لابد أن نكون بمدرسةٍ كهذه وإلا مالنا غير الشششوت


• Maxekea • فديت الأووووستآآزه وعقبآل مآاشووفك موتيره ^^<< ابله ممكن اروح اشرب مآء ^^


والأوستازهـ تفديك طالبتي العزيزهـ من الممكن أن تذهبي لشرب الماء

لكن تعالي وراتس بالفسحه ما شربتي ماء :00:

آها اطلعي بس ياويلك تطلعين صوت وتشوفك الموتيرة تنقز بحلززي 4322210

Ξღصمت الجروح ღΞ أوستازة اومي تسلم عليك هههههههه

ياهلا بتسس انتي بالذات سلمي على أمتس كثيررررر

انتي ماشاء الله طالبه مثاليه وما تسوين ازعاج ومؤدبه احيي امتسس على حسن التربيه لسس فديتسسس : s11 :

[تذكار]

باكووو

طبعا هالأيام بتبدأ الامتحانات وهي فرصتنا لنتنفسس بعد ما خلصنا المناااااهج وأسئلة النهائي

ياااااهي كانت همممممم ..

البدايات كانت حييييييييييييييل صعبه لدرجة كنت اصحى الصبح على أول رنه للمنبه احس بطني يعورني وببكي وخرابيط مدري وش تبي بس اتعزم واهونها على نفسسي وامششي 4322210

كان كل شي جديد المكان اللي قاعده فيه والمكان اللي بروح له والوجيه اللي بقابلها 4322210

يالله موجة حززن عارمه تلف كلماتي تهئ تهؤ تهأ

المهم هذا الشي يخصني مالكم فيه هع < أبلة قليلة أدب

هههههههههههههههههههه

كانت هناك في البدايه معلمتان للغة العربية اللي هم محدثتكم وأخرى بأرمز لها بإسم سعديه هع

وسعديه هذي الله يستر عليها لي معها حكايه طويله شوي

كانت مسببتلي أزمه نفسيه فظيعه كرهت أداوم كم يوم والسبب هي الله يستر عليها

وراح ترحمون حالي كثيرررررررررر بعد ما تعرفون قصتي معها

بأحكيها لكم إن شاء الله بالرد القادم

انتظرووووووني

بررربااتوووووووو شويااااات وارجع اكمل

[تذكار]

في صباح يوم 25/10 /1430هـ

كان أول يوم دوام دخلت الا اسمع صوت ناس وكلام بغرفة الإدارة اوووووووووويه قلبي يدقدق بسسرعه :s8:

بس مع هذا طلعت العبايه وزبطت شكلي احم احم ودخلت بكل ثقه ممزوجة بـشوية :444:

السلام عليكم >>>>>>>>>>>>>> صوت جماعي وعليكم السسلام اهلن وسهلن

>>>>>>معلمة العربي الجديده مو

< اي نعم

>>>>> تفضلي

رحت سييييييييييييييده جلست بالمكان الفاضي كان المكان جنب سعديه بطلة حكايتي اليوم :r7:

المهم شوي الا فتووونه يازينهااااااااااااااا تصب لي القهوه وانا مسسستحيه خخخخخخخخخ تقولي بعدين لما صرنا صقيقات شكلك مستحيه ذاك اليوم كأنك داخله على ناس يخطبونك هههههههههههههههههههههه

بعدين قمت أسأل اللي جنبي (سعديه ) عن تخصصها ومتى مداومه و و و الخ

الا طلعت حقت عربي واول يوم دوام لها وعندها خبره سنه يعني ممشيه امورها وعارفه شغلها زين

قلت بنفسسي الحمد لله انها خبره يعني ان شاء الله استفيد منها وتفيدني

وقمت اتلزق : 61 :

مر يوم ويومين وثلاثه واسبووووع واسبووووووعين وبدت تظهر أشياء وعلامات عدم الإرتياح مني لها 4322210

سعديه شديده مع البنات ما تعرف تبتسم ياعالم اكثر من مره تحصل لها مناوشات مع البنات واكثر من مره تطرد البنات من الفصل لسوء أدب منهم اكيد لأنها ما عجبتهم فيشاكسونها وينرفزونها

عكس شخصيتي وتعاملي مع البنات تماااااااااااااااااااااا ااااااااااما


هي اتفقنا انها تاخذ ثالث ثانوي اغلب المواد

وانا مسكت ثاني كل المواد قلت ثالث آخر سنه ومسؤوليه يبيلهم وحدهـ خبره مثلك ورحبت ما عندها مشكله

لين هنا اوووكى كل شي تمام

بس سبحاااااااااااااااان الله مارتحت لها كذا من الله

المهم بدأت حوسة الدروس وزحمة الحصص كان الشيئ الوحيد اللي ارتاح له لما ادخل فصل أولى متوسط

هههههههههههههههه يفرفشششوني بحركاتهم وسواليفهم وأسئلتهم البريئه وانبسسسط معهم

كأني طلعت من الموضوع الأساسي

الحكايه بدات من هنا ........................ .............

بنات ثالث يسمعون من بنات ثاني عني وعن أسلوبي معهم فقاموا وراحوا للمرشده اللي هي صديقتي فتوونه كانت في البدايه اقرب وحده لي من المجموعه واللي تروح وتجي معي كل يوم

وقالوا لها نبي الأستاذه .......تزكار........ تدرسنا ما نبي سعديه شديده وتدخل كل المنهج وما تحذف شي وما تساعد وورانا مواد و و و

قالت لهم اكتبوا ورقه واكتبوا طلبكم والسبب ووقعوا عليها كل الفصل

وصار من ثالث الأدبي والعلمي

( بيني وبينكم هم يبون اللي يعجبهم مو شغلة منهج ودروس ومواد )

ووقت اللي صار كان عندي زحمة حصص ولا نزلت إلا آخر الدوام ولا دريت عن هالشيئ

بنفس اليوووووووم ........................ ...

من العصر ..................إلى المغرب

وتدق سعديه حول 4_5 مكالمات

كنت نايمه ومو بالعاده تدق دقات كثير الا في شي صاير

قمت.. وارد عليها

ودار هذا الحواااااااااااار


سعديه : السلام عليكم

تزكار : هلا عليكم السلام

سعديه : كيفك ..........

تزكار : الحمد لله تمام

سعديه : ما عطتني فرصها اسأل عنها علطوول ووووينك اليوم طلعت ما شفتك

تزكار : اليوم كنت مضغوطه ما نزلت من بعد الرابعه الا آخر الدوام

سعديه : مادريتي شو صار اليوم << فيها عرق سوري من بعيد الأخت

تزكار : خير إن شاء الله شصاير

سعديه : البناااات ثاني وثالث عارفه شو مسسوين قال ايش اننا ما بنعرف نشرح وما بنوصل المعلومه وقدموا شكوى للمديره وموقعين كلهم عليها حتى بنت ثاني الجديده اتصلت امها ع المديره قالت بنتي مراح ترجع المدرسه لأن استاذة العربي ما بتعرف تشرح

تزكار : تنحت شوي انصدمت وش هالكلام ومتى صاير وما عندي خبر والله بعدين معقوووله ثاني يسسون كذا انا معهم تمام وحسيت انهم يبوني وش صاير ولآخر حصه انا عندهم ما شفت عدم قبول منهم بالعكس .. انتي متأكده ؟؟؟

سعديه : اي والله انا شفت توقيع ثالث كلهم بس ثاني ماشفت إلهم توقيع

من يوم قالت كذا وهي توها تقول ثاني وثالت حسيت إنه في إن بالموضوع لأن كان عندي خبر ان البنات ما يبغونها وكذا مره اقولها غيري من اسلوبك احنا بمدرسه خاصه وممكن بأي لحظه يغيرونك خلينا نكمل هالسنه ونمشيهم

ميرر طبيع ما يغير طبعه

هديت أنا وكملت المكالمه

تزكار : والله شوفي احنا نسسوي اللي علينا ونبذل الجهد وخلاص

سعديه : المشكله يا ........... انهم بيقصدونا كلنا مو انا وحدي ولا انتي وحدك مابعرف شو بيعجبهم << ياناس إلا تدخلني بالسالفه وانا بعييييييييييده عنها

تزكار : اوكى ان شاء الله بكره نتقابل واشوف اللي صاير

سعديه : اي والمديره كمان كانت تدور عليك < يعني الا الا اكون بالواجهه

تزكار : اوكى مو مشكله بكره اروح لها

وبسسسسس قفلت منها

وقام راسي يدووووووووووووور واقول ياعالم ياناس انا عارفه اللي ادرسهم كذا مره ما حسيت انهم ما يبوني بالعكس حسيت انهم قبلوني ولو ما قبلوني بيصير لي نفس اللي صار معها

معقووووووووووله لا لا

وترتني اقلقتني ليتني ما كلمتها : k3 :

.

.

.

لازال للحكايه فصل أخير

يبدأ من دوام اليوم التالي

اكمل بكرهـ إن شاء الله لأن صوابيعي تعبت

وبصلي وانوووووووم

تمسسسسون على خير flower988

[تذكار]

باكوووو


نكمل الفصل الأخير من الروايه : 61 :
سبق وقلت ان فتوونه تروح معي وترجع كل يوم

وباليوم الثاني وكالعادهـ أول من يدخل المطرسسسه احنا لأن سواقنا ابو عبد العزيز < شخصيه جديده بالروايه : 61 :
يصبح علينا من 5 ونص كل يوم

ودخلنا المدرسسه وكان كلي هم وقلق وتوتر < باين ع الخششه

وجلسنا انا وفتوونه ودار هذا الحواااااار

تزكار : وش اللي صاير أمس

فتووونه :بخصوص ؟

تزكار : بخصوص البنات وشكوى ومدري وشو

فتونه : أبد ياستي اللي صار كذا وكذا وكذا وكذا

تزكار : بدهشة سألتك بالله ؟

فتوونه : اي وربي هذا اللي صار بالزبط

تزكار : بس اللي وصلني غير كذا 4322210

امممممممم

فتووونه : لاحول ولا قوة إلا بالله

تزكار : الله يسامحها أمس طول اليوم وترتني

آآآآآآآآآآآآآآه يلا الحمد لله تأكدت إن الكلام مو علي

< وعادت الابتسسسامه المعتادهـ فقط للاعضاء المسجلين يمكنهم رؤية الروابط
وبدأ اليوم الدراسي وداومت الأخت سعديه متأخره وأول ما حضرت لاحظت نظراتها وكأني اقرأ في عيونها
( ليش مبسوطه البنت ومستانسه كأن ماقلتلها شي ) بس كنت اتحاشى النظرات وامشي على حصصي ولا كأن شي صار
و على نهاية الدوام جاتني تسألني : تزكار ما كلمتك المديرهـ ؟ أنا : لا أبدا هي : آهاااااا
طبعا ذاك اليوم كان ثقييييييييييييل ذبحتني بنظراتها حسيت فيها حقد
ياربي أنا وش سووويت لها يوم تناظرني كذا قسسم بالله ياعالم من يوم ادخل الغرفه إلين اجلس بمكاني ونظراتها ما تفارقني
كنت كل يوم ادعي ياااااااااارب تنقل ما انفع مع هالانسانه أبدا
وبعد إجازه الحج هي سافرت لسيريا ع قولتها ورجعت حصلت لها ظروف وانسحبت
ياااااااااااااهـ يوم سمعت الخبر فرحت فرحت فرررررررررررررررحت الحمد لله الحين اداوم مرتاحه
لأن مجموعتنا حلوهـ الأغلبيه يعني كانت هي مضايقتني
فلا أحد يلومني
المهم الله يستر عليها ويسهل دربها ارتاحت وريحت

حكايتي معها بتظل معي مراح انساها لأنه أول موقف يحصل لي بهالشكل
قالولي بسيط ويصير كثيررر وما شفتي شي بس كان معي شي ما توقعته أو صدمت به

يلااااااااااااااااااا
الواجب يا حلووووين
>>>>>>>>>>> اي وراكم تطالعون تسسسذا لي سنه اهذري ع الفاضي
يلا السؤال الأول
اذكر/ ـي فائدتين من الحكايه ؟
السؤال الثاني
عدد / ـي شخصيات الحكايه ؟
........................ ........................ .......
وإلى لقاء مع موقف جديد ولكن بطريقه أخرى : a10 :
ألقاكم غدا إن شاء الله
وتصبحووون على خير ee33

[تذكار]

^

^

^

كتبت قرقر كتيررررررررررر بس راح كله من بعض الناااااااس

برررب مشواريشششن

اعيدهـ الليله اذا كان المزاج تمام يبيلي واحد : a3 : << خرررربت الأوستازهـ ههههههههههههههههههه

واقول الموقف اللي : a10 :

[تذكار]

^

^

اي الليله يرحم والديك لك شهر ما كتبتي شيئ : 61 :

المهم أعود إليكم من جديد

في هذه الليله المباركه ليلة الجمعه أكثروا من الصلاه على النبي عليه الصلاة والسلام


بقول موقف ششششششششششششيئ عجيب مووووتني ضحك

تعرفون الواحد لما يضحك ويضحك ويضحك وش يصير له ؟


؟


؟


أبد يكمل ضحك : a10 :

< طر آآآآآآآآآآآآ خ ع نافوخ الأوستازهـ

اقولكم مره بمادة التعبير بثالث ثانوي موضوع الخاطرهـ

طلبت منهم يكتبون خاطره او يجيبون لي اي خاطره عارفتهم بينسخون من النت ويجيبون لي


المهم ويجي ذاك اليوم ويسلموني أوراقهم

واقوم بالبيت اشوفهم ورقه ورقه

إلا وحده من الأوراق كاتبه قصيده ليتها خاطره بس كاتبتها ملصقتها ببعض تبي تلعب علي خخخخخخ

ليت الورقه عندي اصورها اوريكم بس خساره من اليوم الثاني رجعتها لها

وأنا اقراها حسيت انها موزونه ولا بعد بالعاميه مكتوبه واقوم افتح بابا قوقل واكتب اول كم كلمه فيها

(أشكك في غرامه دوم أنشف ريقه ودمه )

أووووووويل حالك ياتذكار طالباتك ارهابيات حراميات ويتبجحن بعد

أجل خاطره ومن زين هالاختيار تشكك في غرامه وتنشف ريقه ودمه وتحوسه ومدري وش تسوي بعد

مسكتها اليوم الثاني قلت اليوم بجيكم مخصوص عشانك

عاد فرحت البنت وقامت تمسح بشعرها ليش يستاذه خخخخخ خير تحسبني بجي امدح فيها

ولما جيتهم وانا اقومها واقول قومي اقري خاطرتك

وتقوم تقراها اقولكم كيف تقراها

تسسسسذا ( اششكو في غرامهي دوما أنشفوا ريقهو ودمهو )

ههههههههههههههههههههههه يقالكم بتقراها بالفصحى

وانا ماغير اضحك واضحك واضحك وكل الفصل قام يضحك وهي قاعده تكمل تقرأ

هههههههههههههههههههههههه ههههههه يوم حست انها غلط

تقوم تدق اللي جمبها موب انتي اللي امس مرسلتها لي بالمسن

<< باقي تضحك من الأسلوب

قلت خليها معك وجيبي لي غيرها طيب عشان اعطيك الدرجه عاد ثالث ثانوي رحمتها عشان النسبه ولاا ماااش ما تستاهل

........................ .........

بعد هذا كله ويبونا نهتم بالتعليم وأمانه ومدري وشو

إذا هالنوعيه من الطالبات بالله يستاهلون نتعب أنفسنا

<< صايره بالذات بالمطالعه والتعبير أي كلام

بس لحد يعلم علي وزير التعليم يفصلني خخخخخخ

[تذكار]

غير البشر نسيت الكتاب بالبيت/ ههههههه احلى حصه دخلتها حسيت اني معاكِ بكل التفاصيل .. بس حلو اسلوبكِ / الله يوفقكِ

وبعدين طيب الحين من كبر الكتاب مثقل عليك بالشنطه واشوفها فاضيه

طيب آخر مرهـ والمره الثانيه بتنقصين : 61 :

^

^
قد صارت معي كثيررررررر : a10 :

.....

الله يسلمك ويشرفني تكونين معي بالحصه بس بستحي منك واخلي الدرس مشروح ومحذوف من النهائي خخخخخخخخخ


: 6a :

مجموعة انسان يعطيك العافيه ياهبله تزكار قصدي أبله :$


اهلن اهلن مجموعة إنسان < ترى باللغه اسمك فيه كلام ثاني كيف انسان يصير مجموعه فيها علوم هذي : 61 :

يعافيك ربي

هبله ها اذا هبله فمن اللي اشوفه كل يوم

تشرفت بوجودك ونورت الفصل وإياني وإياك اشوفك تبصبص ها خلك عاقل ومؤدب

: 6a :

°● رشة عطر ●° ابله تذكار .. ممكن تدرسينا بلاغة و نحو :( .. ما احب ابلتنا تهئ ...

اهلييييييييييييين رش روشتي مطيرتن قلبي : a10 :

ليتني ادرسك واخليك تحبيني غصب خخخخخخخ

بس تعالي كم تدفعين تعرفين الطلب واجد علي : 61 :

حياك يا بُطيني الأيمن وتشرفت بمرورك